次按後遺症!

今日股市因為次按呢個傷口又爆.....雷曼破產!!!
第二間投資銀行終於要倒下了.....一向名氣好ge雷曼都落得如斯田地, 實在太令人傷感.....

講番港股! 今日絕大部份恆生成份股, 成交量都比平均成交量多出一倍!甚至兩倍....股價被質低!
以一年時間計....差不多隻隻跌穿晒一年低位....甚至三年....

不過仲有好幾隻股係跑贏大市ge....如似
700.hk 騰訊咁...比一年低位仲要高64%
2.hk, 高25%, 6.hk高28%

以股息計, 5,388,2388都有5-6厘....而家係有好多平貨....
不過個市太動盪.....唔適宜入市....
而家最重要就係草錢先....草夠子彈先再買.....

個市跌得咁爽, d散戶仲係死心不息, 去買"平貨"....代表咩???
熊市仲未結束.....好戲就快上演!

AIG而家真係好唔掂咁....佢個仔AIA都要四圍撲水....d水邊度黎??
AIA做人壽, 基金....即係要對投保人開刀la....
我都中左招, 就當係我出手幫下佢la....等佢唔好死得咁慘@@

最擔心ge唔係AIA...我投保都係少數目, 最弊我而家仲未搞清另一間保險公司AXA既狀況如何??
因為我買重左佢人壽, 佢死我死....囧rz

過多兩個月, 我應該夠錢開始部署入市....到時我會增持招行, 新增工行為組合成員, 如果仲有錢剩, 先再考慮中人壽or中移動....