第一次完全貼近大市

今日係10月6日星期一....係國慶之後, 重陽節之前的一天。今天我預先請左假, 目的係想10月1-7日放大假!XDDD

今日無乜特別事要做, 無無聊聊o係屋企, 唯有跟蹤港股!

第一次即日觀摩股市....心情特別緊張.....因為上星期五美國救市方案通過但股市未能受惠反倒跌...諗住今日做Day Trader, 搏佢先急跌後微升! 不過到最後....我都係得個"睇"字, 唔敢入市! 原因下面會慢慢講....

朝早睇"交易現場", 差唔多到10點ge時候, 已經開定機, "目及"住個市....其中, 我留意住幾隻股, 分別有1398, 939同3968 only呢三隻!...開市恆指即跌五百幾點....一般操作都係中午之後先適宜入市....於是我睇住個市留意下有咩異樣! 睇落成交比以往夠少....少到你唔信...似乎d人仲係好審慎...仲算較為理性咁唔去交易....

中午之後, 跌幅擴大....正符合我預期, 出低價迫人沽貨....可惜失敗! 市黎到呢一刻, 無人知個底o係邊? 時間會慢慢將理性的一群羊咩咩折磨至沽貨為止.....

本來我想趁今日個低位都離我目標差唔多, 想入939同1398, 但係見到939個股息率仲未到5厘, 1398仲未到4厘....所以堅持唔買貨! 939禁售期結束...今日拋售到我眼都凸埋....太吸引....

不過正如Adrian老師所言....我要等耐一d....我要自制d...
今天報告完畢!!!